«Այս ոլորտը վերջին տարիներին անճանաչելիորեն փոխվել է։ Շնորհակալ եմ բոլորին, ով մեծ ներդրում է ունեցել դրանում»,- ֆեյսբուքյան իր էջում գրել է ՀՀ ԱԺ պատգամավոր Արսեն Թորոսյանը՝ կիսվելով ՀՀ ԱՆ «Կախվածությունների բուժման ազգային կենտրոնի» հետևյալ գրառմամբ․
«ՀՀ ԱՆ «Կախվածությունների բուժման ազգային կենտրոնում» տրամադրվում են հետևյալ ծառայությունները.
– Հոգեներգործուն նյութերի չարաշահման կապակցությամբ մասնագիտական խորհրդատվության տրամադրում.
– Հոգեներգործուն նյութերից (այդ թվում՝ ալկոհոլից և թմրամիջոցներից) կախվածությունների դետոքսիֆիկացիոն բուժում արտահիվանդանոցային պայմաններում.
–Հոգեներգործուն նյութերից (այդ թվում՝ ալկոհոլից և թմրամիջոցներից) կախվածությունների դետոքսիֆիկացիոն բուժում հիվանդանոցային պայմաններում.
–Օփիոիդային կախվածությամբ անձանց փոխարինող բուժման տրամադրում արտահիվանդանոցային պայմաններում.
–Հոգեկան առողջության խնդիրներ ունեցող անձանց խորհրդատվություն, հետազոտություն և բուժում արտահիվանդանոցային պայմաններում.
–Սոցիալ-հոգեբանական աջակցության տրամադրում կենտրոնում բուժվող պացիենտներին, անհրաժեշտության դեպքում նաև նրանց ընտանիքի անդամներին.
–Օրգանիզմի կենսամիջավայրում հոգեներգործուն նյութերի նկատմամբ տոքսիկոքիմիական հետազոտությունների իրականացում։
Սիրելի՛ հայրենակիցներ, հիշեցնում ենք, որ շնորհիվ Առողջապահության նախարարության աջակցության 2020-2021թթ. կենտրոնում ամբողջությամբ հիմնանորոգվել և լավագույն կերպով կահավորվել են կենտրոնի բոլոր բաժանմունքները՝ մեր կենտրոնի պացիենտների արդյունավետ բուժման և բուժաշխատողների համար բավարար աշխատանքային պայմաններ ապահովելու նպատակով
Սիրելի՛ հայրենակիցներ, զերծ մնացեք բոլոր տեսակի թմրամիջոցներից և այլ հոգեներգործուն նյութերից։ Հիշե՛ք, որ դրանք խիստ վտանգավոր են ձեր առողջության և կյանքի համար։
Խորհրդատվությունների համար կարող եք այցելել կենտրոն կամ զանգահարել 012-27-27-27 հեռախոսահամարով»։
![May be an image of ներսում և hallway-ը](https://scontent.fevn6-2.fna.fbcdn.net/v/t39.30808-6/261916837_326527589347123_2275895610172805427_n.jpg?_nc_cat=109&ccb=1-5&_nc_sid=730e14&_nc_ohc=Mah_fGWrfAoAX-pbH0L&_nc_ht=scontent.fevn6-2.fna&oh=cef8bb33546a0c565853be3a03c465a1&oe=61A9AB65)
![May be an image of ներսում և hallway-ը](https://scontent.fevn6-1.fna.fbcdn.net/v/t39.30808-6/262514592_326527622680453_7113282575981238854_n.jpg?_nc_cat=100&ccb=1-5&_nc_sid=730e14&_nc_ohc=G0dzO7rZdHYAX8vFgTw&_nc_ht=scontent.fevn6-1.fna&oh=4152e4f33b1bf99d80784b980b9f76bd&oe=61AABC85)
![May be an image of ներսում և hallway-ը](https://scontent.fevn6-2.fna.fbcdn.net/v/t39.30808-6/262320715_326527736013775_5691198266974874503_n.jpg?_nc_cat=101&ccb=1-5&_nc_sid=730e14&_nc_ohc=faCU5mJqbawAX9EZJ2_&tn=bSJPJPAKmuxm39cT&_nc_ht=scontent.fevn6-2.fna&oh=8943dba49f4f903c5ba45f8d477bc784&oe=61A98527)