Ազգային ժողովի «Պատիվ ունեմ» խմբակցության պատգամավոր Արթուր Վանեցյանը հայտնում է․
«Այսօր Apple ընկերությունից նամակ ստացա, որն առնվազն 2 պատճառով որոշեցի հրապարակել․
1․ Այս նամակը հաստատում է իմ նախկին hայտարարություններն այն մասին, որ Հայաստանի գործող իշխանություններն ապօրինաբար, խախտելով իմ անձնական և ընտանեկան կյանքի անձեռնմխելիության իրավունքը, տևական ժամանակ գաղտնալսման փորձեր են իրականացրել, որոնք ակնհայտորեն կապված են իմ քաղաքական գործունեության հետ։
Կրկնում եմ՝ ունեմ փաստացի տվյալներ այն մասին, որ հարձակում է իրականացվել տխրահռչակ Pegasus ծրագրով ոչ միայն իմ, այլև մերձավոր շրջապատիս և ընտանիքիս անդամների հեռախոսների վրա։
2․ Այս նամակում Apple ընկերությունը հեռախոսն անվտանգ պահելու խորհուրդներ է տալիս, որոնք, իմ համոզմամբ, ենթակա են լայն տարածման։ Իմ, հնարավոր է նաև ՀՀ այլ քաղաքացիների նկատմամբ իրականացված ապօրինի գործողությունների հետ կապված հրավիրում եմ ՀՀ մարդու իրավունքների պաշտպան Արման Թաթոյանի ուշադրությունը։
Հ․Գ․ Նիկո՛լ, ինձանից մի վախեցիր, վախեցի՛ր Հայրենիքիս և հայ ժողովրդի գլխին բերածդ արհավիրքների հետևանքներից»։
![Возможно, это изображение (текст)](https://scontent.fevn12-1.fna.fbcdn.net/v/t39.30808-6/260924585_4128776773894865_7756879962507818324_n.jpg?_nc_cat=1&_nc_rgb565=1&ccb=1-5&_nc_sid=8bfeb9&_nc_ohc=S8YLmtFCKmEAX-HFJya&_nc_ht=scontent.fevn12-1.fna&oh=b3a41a4038999ee0e4d70e98911f9b83&oe=61A2864F)
![Возможно, это изображение (текст)](https://scontent.fevn12-1.fna.fbcdn.net/v/t39.30808-6/260461789_4128776877228188_1286238076007656489_n.jpg?_nc_cat=1&_nc_rgb565=1&ccb=1-5&_nc_sid=8bfeb9&_nc_ohc=xLkyVUkIB0UAX8Y3kLg&_nc_ht=scontent.fevn12-1.fna&oh=b0ec267ef8d3da856ce1e293a7f41ec8&oe=61A4234E)