«Այս պահին գյուղում հանգիստ վիճակ է։ Կրակոցը պրծել է ժամը վեցի սահմաններում»,- այս մասին Իրավաբան․net-ի հետ զրույցում ասաց Սյունիքի մարզի Աղիտու գյուղի գյուղապետ Ավետիս Ավետիսյանը։

Նա նշեց, որ կրակոցի ձայներ գյուղում սկսել են լսվել 13։00-ից հետո։ Իսկ բնակիչները անհանգիստ են եղել, բայց խուճապ չի եղել նրանց շրջանում։ Գյուղին ոչ մի վնաս չի պատճառվել։

Հիշեցնենք, որ նոյեմբերի 16-ին, ժամը 13։00-ի սահմաններում, ադրբեջանական ԶՈՒ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։

Պաշտպանության նախարարությունը քիչ առաջ հայտարարություն տարածեց, որում ասվում էր․

«Ռուսական կողմի միջնորդությամբ ձեռք բերված պայմանավորվածության համաձայն՝ ժամը 18։30-ից ՀՀ արևելյան սահմանագոտում կրակը դադարեցվել է, իրադրությունը հարաբերականորեն կայունացել է։ Հիշեցնենք, որ նոյեմբերի 16-ին, ժամը 13։00-ի սահմաններում, Ադրբեջանի ԶՈՒ ստորաբաժանումները հարձակում են գործել սահմանի տվյալ ուղղությամբ տեղակայված հայկական դիրքերի վրա։ Հակառակորդը կիրառել է նաև հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։