«Հայաստան» դաշինքը հայտարարություն է տարածել, որում ասվում է․
«Արցախի հանրապետության անկախության հռչակման օրվա առթիվ Արցախ է այցելել ԱԺ «Հայաստան» խմբակցության պատվիրակությունը։ Պատվիրակության անդամները նախ առավոտյան մասնակցել են Արցախի ԱԺ նախագահ Արթուր Թովմասյանի նախագահությամբ հրավիրված ԱԺ հատուկ նիստին, որի ժամանակ ելույթով է նաեւ հանդես եկել պատվիրակության ղեկավար, «Հայաստան» խմբակցության պատգամավոր Արմեն Ռուստամյանը։
«Կարևոր է այս օրը նշելը։ Սա ուղերձ է մեր հարևաններին. հայի կամքը անկոտրում է, անկախ վարիվերումներից՝ մենք կարողանում ենք վերագտնել մեզ ու հաղթահարել փորձությունները: Մենք միասնական համակարգի մեջ ենք.
Հայաստանի անվտանգությունը շաղկապված է Արցախին: Շատ քիչ ժամանակ ունենք ճիշտ գնահատելու ստեղծված իրավիճակը ու վերականգնելու կորցրածը»,-հայտարարել է Ռուստամյանը։
«Հայաստան» խմբակցության պատգամավորներն այսօր կհանդիպեն Արցախի ԱԺ ընդդիմադիր խմբակցությունների անդամների հետ, կայցելեն Եղբայրական գերեզման, կմասնակցեն սեպտեմբերի 2-ի միջոցառումներին, ինչպես նաեւ ներկա կգտնվեն Արցախում Հայ Դատի նոր գրասենյակի բացմանը»։
![Возможно, это изображение (8 человек, люди стоят и на открытом воздухе)](https://scontent.fevn1-4.fna.fbcdn.net/v/t39.30808-6/241139309_169337135324256_8143040851133519199_n.png?_nc_cat=101&ccb=1-5&_nc_sid=730e14&_nc_ohc=ewRFGh9yRggAX_NmSba&tn=zGTFClKiPyWsbRb2&_nc_ht=scontent.fevn1-4.fna&oh=0f2827a67ac86751cc22342168b38177&oe=61343492)