Ադրբեջանի նախագահ Իլհամ Ալիևը հարցազրույց է տվել թուրքական CNN Тürk հեռուստաալիքին, որում անդրադարձել է եռակողմ պայմանագրին և հայ-ռուսական հարաբերություններին։
«Մեր ակնկալիքը Ռուսաստանից այն է, որ կատարվեն եռակողմ Հայտարարության բոլոր դրույթները: Քանի որ այս եռակողմ Հայտարարությունը ստորագրվել է Ադրբեջանի, Ռուսաստանի և Հայաստանի ղեկավարների կողմից, և դրա դրույթների մեծ մասն արդեն կյանքի է կոչվել: Բայց կան որոշ հարցեր, որոնք դեռ բաց են մնում։ Ռուսաստանը, որպես Ադրբեջանի հարևան և Հայաստանի մերձավոր դաշնակից, իհարկե, առանձնահատուկ դեր է խաղում այս տարածաշրջանում: Հուսով ենք, որ Ռուսաստանը կշարունակի գործադրել բոլոր ջանքերը այս տարածաշրջանի անվտանգության համար և քայլեր կձեռնարկի երկարաժամկետ խաղաղություն ապահովելու համար: Միևնույն ժամանակ, մեր ակնկալիքներն այն են, որ Ռուսաստանը չզինի Հայաստանը: Այս հարցը մենք հասցրեցինք ռուսական կողմի ուշադրությանը: Սա մեզ անհանգստացնում է»։
Այս ամենը ասելով՝ նա նկատի է ունեցել այն փաստը, որ օրեր առաջ ՌԴ ՊՆ նախարար Սերգեյ Շոյգուն ՀՀ ՊՆ նախարար Արշակ Կարապետյանի հետ հանդիպման ժամանակ ասել է, որ Հայաստանին սպառազինության մատակարարման գործընթացը մեկնարկած է։
