Ռուսաստանում ԱՄՆ դեսպան Ջոն Սալիվանը ասել է, որ դեսպանատունն ուսումնասիրում է Ռուսաստանի պատասխան պատժամիջոցների մասին տեղեկատվությունը և համապատասխան խորհրդակցություններ է անցկացնում Վաշինգտոնի հետ:
Այս մասին հայտնում է «ՏԱՍՍ» լրատվական գործակալությունը։
«Մենք տեսել ենք հաղորդագրությունը, որը հրապարակված է Ռուսաստանի արտգործնախարարության կայքում և ուսումնասիրում ենք դրանում պարունակվող տեղեկատվությունը՝ խորհրդակցելով Վաշինգտոնի հետ: Մենք ոչ մի պաշտոնական դիվանագիտական նամակագրություն չենք ստացել, որում մանրամասն ներկայացված են ՌԴ կառավարության գործողությունները Ռուսաստանում ԱՄՆ դիվանագիտական ներկայացուցչության դեմ», – ասել է դեսպանը:
Հիշեցնենք, որ ըստ ՌԴ ԱԳՆ-ի, Մոսկվան արգելում է մուտքը դեպի Ռուսաստան ութ ներկա և նախկին ամերիկացի բարձրաստիճան պաշտոնյաների և գործիչների համար, որոնք մասնակցում են հակառուսական քաղաքականության մշակմանն ու իրականացմանը, այդ թվում ՝ ԱՄՆ գլխավոր դատախազ, ՀԴԲ-ի տնօրեն, Ազգային հետախուզության տնօրեն, Ազգային անվտանգության քարտուղար և ԱՄՆ Դաշնային բանտերի բյուրոյի տնօրեն:
