Վարչապետի առաջարկությամբ՝ նախագահ Արմեն Սարգսյանը Հովհաննես Վիրաբյանին նշանակել է Արգենտինայի Հանրապետությունում Հայաստանի
Հանրապետության արտակարգ և լիազոր դեսպան (նստավայրը՝ Բուենոս Այրես):
Նշենք, որ մեկ այլ հրամանագրով էլ նշված պաշտոնից ազատվել է Էսթերա Մկրտումյանը․ «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի.
Էսթերա ՄԿՐՏՈՒՄՅԱՆԻՆ հետ կանչել Արգենտինայի Հանրապետությունում, Ուրուգվայի Արևելյան Հանրապետությունում, Չիլիի Հանրապետությունում, Պերուի Հանրապետությունում և Պարագվայի Հանրապետությունում Հայաստանի Հանրապետության արտակարգ և լիազոր դեսպանի պաշտոնից»:
