Համահայկական ազգային համաձայնությունը (ՀԱՀ) հայտարարում է․
«Շարունակելով իր վնասակար առաքելությունը, ՀՀ կառավարությունը վերսկսել է տեղա-կան ինքնակառավարման համակարգի ոչնչացման գործընթացը:
Կարևոր ենք համարում պարզապես հիշեցնել, որ դարերի ընթացքում սեփական պե-տության բացակայության պայմաններում հայության հարատևումը որպես ազգ ապա-հովվել է գյուղական մակարդակում բացառիկ ու անխոցելի այնպիսի ինքնակազմա-կերպման ու ինքնակառավարման համակարգի շնորհիվ, որի քայքայումն ու ոչնչացումը ուժից վեր էր Հայաստանին տիրող օտար պետությունների համար:
Սակայն տեղական ինքնակառավարման համակարգի ոչնչացումը, ինչպես տեսնում ենք, այսօր հնարավոր է դարձել սեփական պետության ու կառավարության օրոք, որը ձեռնարկել ու հետևողականորեն շարունակում է «խոշորացման» անվան տակ ստեղծել բազմաբնակավայր վարչական միավորներ, միաժամանակ առանձին բնակավայրերը (գյուղերը) զրկելով ինքնակառավարման լծակներից և կենտրոնացնելով այդ վարչական կառույցներում բոլոր բնակավայրերի (գյուղերի) համայնքային սեփականությունը:
Ավելորդ համարելով կրկին մեկնաբանել ՀՀ վարչակազմի հակազգային այդ գործու-նեությունը, ՀԱՀ-ը Հայաստանի տեղական ինքնակառավարման մարմիններին ու բնակ-չությանը կոչ է անում.
- Իրավական ուժի կիրառման բոլոր միջոցներով դիմակայել բնակավայ-րերի (գյուղերի) ինքնակառավարման ոչնչացմանը նպատակաուղղված այդ «խոշո-րացման» գործընթացին,
- Զուգահեռաբար ձևավորել փաստացի գործող ինքնակառավարման ու ինքնապաշտպանական համակարգեր բնակավայրերի (գյուղերի) մակարդակում, հատկապես սահմանամերձ բնակավայրերում,
- Կազմել «խոշորացմանը» օժանդակող ու վավերացնող հին ու նոր հաստա-տությունների, կազմակերպությունների ու անձերի ցուցակը և ենթարկել հասարա-կական պարսավանքի,
- Ձևավորել միջհամայնքային (միջգյուղական) համագործակցության միջա-վայր և ցանց՝ «խոշորացման» գործընթացը միահամուռ ուժերով կանխելու համար,
- Թույլ չտալ գյուղի համայնքային սեփականության գույքագրումն ու օտա-րումը՝ համարելով այդ գործողությունը ՀՀ սահմանադրությամբ պաշտպանված սե-փականության իրավունքի ոտնահարում:
ՀԱՄԱՀԱՅԿԱԿԱՆ ԱԶԳԱՅԻՆ ՀԱՄԱՁԱՅՆՈՒԹՅՈՒՆԸ դիմում է նաև ազգային կողմ-նորոշում ունեցող հասարակական ու քաղաքական կազմակերպություններին, ինչպես նաև հայրենասեր անհատներին հետևյալ կոչով․
բոլոր միջոցներով ԿԱՆԽԵ՛Լ երկրի հազարամյա ազգային-սոցիալական հյուսվածքի քայքայումը՝ համայնքների խոշորացման գործընթացը, իսկ արդեն «խոշորացված» բազ-մաբնակավայր համայնքներին, առաջին հերթին՝ ՍԱՀՄԱՆԱՄԵՐՁ բնակավայրերին, ԱՋԱԿՑԵ՛Լ վերականգնելու համայնքային սեփականության նկատմամբ իրենց իրա-վունքն ու ինքնակառավարումը։
ՀԱՀ քաղաքական կուսակցությունների խորհուրդ
«Նժդեհյան ցեղակրոն կուսակցություն», նախագահ՝ Գևորգ Հովսեփյան,
«Հայք կուսակցություն», քաղաքական խորհրդի նախագահ՝ Արտյոմ Խաչիկյան,
«Քրիստոնեա ժողովրդական վերածնունդ կուսակցություն»,
նախագահ՝ Սոս Գիմիշյան։
ՀԱՀ հասարակական կազմակերպությունների և
նախաձեռնությունների խորհուրդ
ՎԱՀԱԳՆ Ռազմահայրենասիրական – ՀԿ, նախագահ՝ Կարո Կարապետյան,
ԺՈՂՈՎՐԴԻ ՁԱՅՆ – նախաձեռնություն, նախագահ՝ Աշոտ Կոշկակարյան,
ՔԱՂԱՔԱՑԻԱԿԱՆ ՄԻԱՎՈՐՈՒՄ – ՀԿ, նախագահ՝ Աղասի Մանուկյան,
ԹԵԳՄ – ՀԿ, նախագահ՝ Շմավոն Վեզիրյան,
ՄԱՇՏՈՑ ՄԻԱՎՈՐՈՒՄ – ՀԿ, նախագահ՝ Նուրիսա Բեժանյան,
ՈՐԴԱՆ ԿԱՐՄԻՐ – նախաձեռնություն, նախագահ՝ Մհեր Օհանյան,
ԲԱՍԵՆ ՀԱՅՐԵՆԱԿՑԱԿԱՆ – նախաձեռնություն, նախագահ՝ Աշոտ Հակոբյան,
ԽԱՉԱՏՈՒՐ ԽԱՉԱՏՐՅԱՆԻ ԱՆՎԱՆ ԱԶԱՏԱՄԱՐՏԻԿՆԵՐԻ ՄԻՈՒԹՅՈՒՆ – նախաձեռնություն, նախագահ՝ Հովիկ Ալեքսանյան։
ՀԱՀ մտավորականների խորհուրդ
Արթուր Արմին Բաբայան (մշակութաբան),
Աշոտ Գևորգյան (ֆիզիկամաթեմատիկական գիտությունների դոկտոր, պրոֆեսոր),
Արամ Գաբրիելյան (ֆիզիկամաթեմատիկական գիտությունների թեկնածու),
Հրաչիկ Հակոբջանյան (բանասիրական գիտությունների թեկնածու, դոցենտ),
Դավիթ Ստեփանյան (ճարտարապետ)»։
