ՀՀ վճռաբեկ դատարանից հայտնում են.
«Մեծագույն ցավով տեղեկացանք՝ Հայաստանի Հանրապետության վաստակավոր իրավաբան, ՀՀ վճռաբեկ դատարանի քրեական պալատի նախկին նախագահ Դավիթ Ավետիսյանի անժամանակ մահվան մասին: Հայաստանի Հանրապետության վճռաբեկ դատարանի և անձամբ իմ անունից խորին ցավակցություններ և կարեկցանք ենք հայտնում այս անդառնալի կորստի կապակցությամբ:
Հանձին Դավիթ Ավետիսյանի, Հայաստանի Հանրապետության ողջ իրավաբանական համայնքը կորցրեց մեծն իրավաբանի, պատկառելի և խոհեմ մտավորականի, ով իր ողջ կյանքը նվիրեց Հայաստանում իրավաբանական գիտության զարգացման, բազմաթիվ սերունդների կրթման բարդ և պատասխանատու գործընթացին»:
