Ազգային ժողովի պատգամավոր Գևորգ Պետրոսյանը գրում է․
«Նախարարը կորցրել է իրեն, խնդրում ենք համարել անվավեր
Սույն նկարում պատկերված անձը լրիվ կորցրել է իրեն: Ըստ նրա հաստատած կանոններից մեկի՝ «դասամիջոցին սովորողները դասասենյակը լքում են միայն ըստ անհրաժեշտության՝ ուսուցչի հսկողությամբ»: Հասկանալի է, որ անհրաժեշտությունը կապված է երեխայի բնական կարիքների հետ: Մի կողմ թողնենք էն, թե երեխայի մոտ ինչ հոգեկան ապրումներ կարող են առաջանալ՝ ամեն անգամ՝ պետքարան գնալու համար ուսուցչին դիմելիս: Մի ժամանակ հասարակական տրանսպորտում մի այսպիսի ցուցանակ էր փակցվում՝ «Վարորդը նաև հսկիչ է»…
Հիմա ի՞նչ, ստացվում է, որ ուսուցիչը նաև զուգարանի ուղեկի՞ց է։ Արա, լավ, ինչքա՞ն կարելի է չհարգել ուսուցչի կոչումը: Դուք հասկանո՞ւմ եք՝ օրվա մեջ քանի անգամ ուսուցիչը պետք է իր կամքից անկախ այցելի զուգարան: Դուք լրիվ ցնորվե՞լ եք… Շատ հետաքրքիր է՝ իսկ էս նախարարն իր ենթականերին ինչո՞ւ չի ուղեկցում զուգարան: Էդ ի՞նչ վտանգ ա զգում… Մեկ ա պարապ ա, Կարաբինան էլ չկա, չի այցելում»։
Հիշեցնենք, որ օրեր առաջ ԿԳՄՍ նախարարությունը ներկայացրեց կորոնավիրուսային հիվանդության (COVID-19) պայմաններում հանրակրթական ուսումնական հաստատություններում գործունեության կազմակերպման ուղեցույցը։
