Կրթության, գիտության, մշակույթի և սպորտի նախարարությունը հանրային քննարկման է ներկայացրել  Լուկաս Ջեյմս Ֆիշերին,  Ալին Ֆուլլեր Հեսսին,  Էնդրյու Մրֆի Չրաբասցին և  Կրիս Քայլ Յանկուին շարքային կազմի պարտադիր զինվորական ծառայությունից ազատելու մասին նախագիծը։

Նախատեսվում է շարքային կազմի պարտադիր զինվորական ծառայությունից ազատել

1)   Լուկաս Ջեյմս Ֆիշերին (ծնված՝ 1994 թվականի հոկտեմբերի 29-ին),

2)  Ալին Ֆուլլեր Հեսսին (ծնված՝ 1994 թվականի հունվարի 20-ին),

3)  Էնդրյու Մրֆի Չրաբասցին (ծնված՝ 1994 թվականի հունիսի 14‑ին)

4)  Կրիս Քայլ Յանկուին (ծնված՝ 1994 թվականի հուլիսի 20-ին)։

Նախագծի հիմնավորման մեջ նշվում է, որ նախագծի ընդունումը պայմանավորված է այն հանգամանքով, որ Լուկաս Ջեյմս Ֆիշերին,  Ալին Ֆուլլեր Հեսսին,  Էնդրյու Մրֆի Չրաբասցին և  Կրիս Քայլ Յանկուին ՀՀ կառավարության 2018 թվականի հունիսի 27-ի  որոշմամբ տարկետում է տրվել մինչև 2020 թվականի ամառային զորակոչը։ Քանի որ նրանց 27 տարին լրանում է 2020 թվականին, հնարավոր չէ նրանց շարքային կազմի պարտադիր զինվորական ծառայության զորակոչից տարկետում տալ։  Հետևաբար անհրաժեշտություն է առաջացել Լուկաս Ջեյմս Ֆիշերին,  Ալին Ֆուլլեր Հեսսին,  Էնդրյու Մրֆի Չրաբասցին և  Կրիս Քայլ Յանկուին ազատել  շարքային կազմի պարտադիր զինվորական ծառայությունից։

Լուկաս Ջեյմս Ֆիշերը,  Ալին Ֆուլլեր Հեսսինը,  Էնդրյու Մրֆի Չրաբասցը  և  Կրիս Քայլ Յանկունը հանդես են գալիս բասկետբոլի ՀՀ ազգային հավաքական թիմի կազմում  և մասնակցությունը Եվրոպայի առաջնության ընտրական խաղերին։

Լուկաս Ջեյմս Ֆիշերը,  Ալին Ֆուլլեր Հեսսինը,  Էնդրյու Մրֆի Չրաբասցը և  Կրիս Քայլ Յանկունը հաշվառված են Երևանի Կենտրոնի տարածքային զինվորական կոմիսարիատում