Ապրիլի 13-ին ոստիկանության Նոր Նորքի բաժնում ավտոմեքենայից կատարված գողության վերաբերյալ հաղորդում էր ստացվել։ Գողացել էին Գալշոյան փողոցի շենքերից մեկի բակում կայանված «Մերսեդեսի» կողային հայելու ապակին և թափարգելի երեսպատիչը:
Հանցագործությունը բացահայտելու ուղղությամբ Նոր Նորքի քրեական հետախույզները ձեռնարկեցին օպերատիվ-հետախուզական միջոցառումներ։ Ապրիլի 28-ին հաջողվեց պարզել, որ գողությունը կատարել է ապրիլի 24-ին այլ գողության համար բերման ենթարկված 24-ամյա երիտասարդը։
Ձեռնարկված միջոցառումներով ոստիկանները պարզեցին, որ երիտասարդը նաև այլ գողություններ է արել։ Ապրիլի 3-ին Ավան-Առինջի 1-ին միկրոշրջանի շենքերից մեկի բակում կայանված «Մերսեդեսի» կողային հայելիներն էր գողացել, ապրիլի 6-ին՝ Գայի պողոտայի, իսկ ապրիլի 9-ին՝ Ավան Առինջի 1-ին միկրոշրջանի շենքերից մեկի բակում կայանված «Մերսեդեսների» կողային հայելիները:
Ձեռնարկվում են միջոցառումներ՝ գողոնը հայտնաբերելու ուղղությամբ:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
