Գլխավոր դատախազության վարչություններից մեկի դատախազի մոտ հաստատվել է կորոնավիրուս: Այս մասին Իրավաբան․net-ի հետ զրույցում հայտնում է Գլխավոր դատախազության հանրային կապերի բաժնի պետ Արևիկ Խաչատրյանը։
Նա նշել է, որ դատախազի առողջական վիճակը լավ է, առկա է բարելավման դինամիկա, հիվանդության լուրջ ախտանշաններ չեն եղել։
«Կորոնավիրուսով վարակված դատախազի հետ կոնտակտի մեջ գտնված անձանց շրջանակը պարզված է, և նրա ընտանիքի անդամները մեկուսացվել են այդ նպատակով նախատեսված վայրում: Նրա առանձին գործընկերները, որոնց հետ շփումներ է ունեցել, գտնվում են ինքնամեկուսացման մեջ. նրանց մոտ համապատասխան հիվանդութան կլինիկա ունենալու վերաբերյալ տվյալներ առայժմ չկան: Ախտանշաններ ի հայտ գալու դեպքում անմիջապես միջոցներ կձեռնարկվեն նրանց թեստավորման համար»,-նշում է Արևիկ Խաչատրյանը:
