Ինչպես ավելի վաղ հայտնել էինք, այսօր՝ փետրվարի 25-ին, ժամը 09:03-ին «911» ծառայությանն ահազանգ է ստացվել, որ Երևան քաղաքի Կառավարական տան 1-ին շենքում հրդեհ է բռնկվել:
Հրդեհի բարդության «թիվ 2» կանչով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից վեց մարտական հաշվարկ, մեկ ավտոսանդուղք և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
ԱԻՆ-ից հայտնում են, որ դրդեհը մարվել է ժամը 09:20-ին:
Այրվել են գրասենյակային գույք` մասամբ (աթոռ, պահարան, թղթեր) և 1 գմ մալուխ: Հրդեհի հետևանքով տուժածներ չկան:
Իրավաբան.net-ին նախարարությունից հայտնում են, որ հրդեհի պատճառների վերաբերյալ մեկնաբանություն տալ չեն կարող:
«Պատճառները հայտնաբերելու և հասկանալու համար կոնկրետ աշխատանք է տարվում հրդեհը մարելուց հետո՝ ոստիկանության, ԱԻՆ-ի և այլ գերատեսչությունների կողմից: Պետք է հետաքննություն կատարվի՝ պատճառները պարզելու համար»,-նշեց ԱԻՆ նախարարի մամուլի քարտուղար Սաթենիկ Ասիլյանը:
