Սանկտ Պետերբուրգի մետրոյում տեղի ունեցած ահաբեկչության քննությունը գտնվում է ավարտական փուլում: Այս մասին տեղեկանում ենք Lenta.ru-ից:
Հանցագործության կատրաման համար մեղադրվում է 11 անձ: Նրանց ձերբակալել են:
Քննչական կոմիտեի ներկայացուցիչը հայտնել է, որ քննության բարդությունը կայացել է նրանում, որ ահաբեկչության պատվիրատուն, կազմակերպիչը և կատարողը իրար հետ ծանոթ չեն եղել:
Նշենք նաև, որ 2017 թվականի հոկտեմբերի 31-ին հայտնի դարձավ, որ Telegram Messenger LLP-ին տուգանել են 800 հազար ռուբլով՝ Ռուսաստանի հատուկ ծառայություններին մի քանի օգտատերերի նամակները չտրամադրելու համար: Դրանցից 2-ը մեղադրվում էին մետրոյում տեղի ունեցած ահաբեկչության համար: Հատուկ ծառայությունները համոզված էին, որ ահաբեկիչները օգտվել են միայն Telegram-ից:
Հիշեցնենք, որ պայթյունը տեղի էր ունեցել 2017 թվականի ապրիլի 3-ին, Сенная площадь և Технологический институт կայարանների միջև: Զոհվել էր 16 մարդ, այդ թվում՝ մահապարտը՝ 22-ամյա Ակբարժոն Ջալիլովը:
