ՀՀ ոստիկանությունը կարևոր է երախայի շահերի պաշտպանության ու իրավունքների իրացամանն ուղղված ցանկացած միջոցառում։ Այս մասին հյատարարություն է տարածել Անձնագրային և վիզնաերի վարչության պետ Մնացական Բիչախչյանը։
Իրավաբան.net-ը Մնացական Բիչախչյանից տեղեկանու է, որ ՀՀ ոստիկանության կողմից շրջանառության մեջ դրված «ՀՀ քաղաքացիության մասին» օրենքում փոփոխությունների նախագիծը ՀՀ Ազգային ժողովի կողմից ընդունվելուց հետո կարճ ժամանակում դրական արձագանքներ ստացավ հանրության կողմից:
Նա ևս մեկ անգամ հիշեցնում է, որ օրենքով սահմանված դրույթի համաձայն, եթե երեխայի ծնվելու պահին ծնողներից մեկը ՀՀ քաղաքացի է, իսկ մյուսն օտարերկրացի, երեխայի քաղաքացիությունը որոշվում է ծնողների համաձայնությամբ:
«Պրակտիկայում փոխադարձ համաձայնության բացակայությունը խնդիրներ էր ստեղծում Հայաստանում բնակվող երեխաների համար: Տարիներ շարունակ մյուս ծնողից տեղեկություններ չունենալը կամ ընտանեկան խնդիրները փաստացիորեն զրկում էր երեխային անձը հավաստող փաստաթուղթ ունենալուց, ազատ տեղաշարժվելուց և այլն:
Օրենքում կատարված փոփոխությունների համաձայն, ծնողների համաձայնության բացակայությունը խոչընդոտ չի հադիսանա ՀՀ-ում բնակվող երեխային ՀՀ քաղաքացու անձնագիր տալու համար:
Մեկ ծնողի դիմումը բավարար է: Կարող է դիմել ՀՀ քաղաքացի կամ օտարերկրյա քաղաքացի ծնողը»,-նշում է նա:
Այն դեպքում, երբ երեխայի ծնվելու պահին երկու ծնողները ՀՀ քաղաքացիներ են, երեխան օրենքի ուժով, ծնվելու պահից հանդիսանում է ՀՀ քաղաքացի և անձնագրային ծառայություն դիմելիս երեխայի անձնագրավորման համար մյուս ծնողի համաձայնությունը չի պահանջվում
