Ազգային ժողովի «Օրինաց երկիր» կուսակցության խմբակցությունը չի անդամակցել կառավարության կողմից ստեղծված հակակոռուպցիոն խորհրդին, քանի որ դրա գործունեության հանդեպ հավատ չունեն. այս մասին Իրավաբան.net-ի հետ զրույցում ասաց խմբակցության ղեկավար Հեղինե Բիշարյանը:
«Տարիների ընթացքում նման կառույցներ ստեղծվել են, սակայն որևէ արդյունք չի եղել: Մենք գտնվում ենք, որ սա ձևական բնույթ կրող կառույց է»,- ասաց Հ. Բիշարյանը:
Ինչ վերաբերում է այն հանգամանքին, որ վաղը՝ հուլիսի 28-ին տեղի է ունենալու հակակոռուպցիոն խորհրդի անդրանիկ նիստը, թեև խորհուրդը այդպես էլ լիարժեք չի կազմավորվորվել, Հ. Բիշարյանը նորմալ չէ համարում. «Միգուցե այդ հարցին իրենք պետք է պատասխանեն, թե ի՞նչ իմաստ ունի նիստ հրավիրելը: Միգուցե այդպիսիով փորձում են կայացնել խորհուրդը»:
Նշենք, որ կառավարության որոշմամբ՝ հակակոռուպցիոն խորհրդին պետք է անդամակցեին Ազգային ժողովի ընդդիմադիր ուժերից մեկական ներկայացուցիչ և մեկական ներկայացուցիչ երկու հասարակական կազմակերպություններից: Սակայն ԱԺ ընդդիմադիր 5 խմբակցություններից 4-ը, նաև երկու հասարակական կազմակերպություն ներկայացված չէ խորհրդում: Ինչպես հայտնի է, հասարակական կազմակերպությունները, նաև ԱԺ 4 ընդդիմադիր ուժերի խմբակցությունները հրաժարվել են անդամակցել խորհրդին:
