Պերինատոլոգիայի, մանկաբարձության և գինեկոլոգիայի ինստիտուտում երեկ տեղի ունեցած միջադեպից տուժած կնոջ առողջական վիճակում նկատելի է չնչին դրական տեղաշարժ, սակայն դեռևս` ժամը 10:00-ի դրությամբ մնում է կայուն ծանր. այս մասին Իրավաբան.net-ին հայտնեցին ՀՀ առողջապահության նախարարության լրատվության բաժնից:
Բարեհաջող անցած վիրահատությունից հետո հիվանդը եկել է գիտակցության: Կնոջ առողջական վիճակը գտնվում է ՀՀ առողջապահության նախարարի անմիջական հսկողության ներքո:
Հիշեցնենք, որ երեկ առավոտյան հենց հիվանդասենյակում ամուսինը կրակել է կնոջ վրա, այնուհետև ինքնասպան եղել:
