Ճանապարհային երթևեկության անվտանգության ապահովման մասին օրենքի 24-րդ հոդվածը սահմանելով «Տրանսպորտային միջոցների սեփականատերերի և վարորդների հիմնական պարտականությունները», նախատեսում է ամրագոտի չկապելու վերաբերյալ կարևոր դրույթ:
Այսպես, մեխանիկական տրանսպորտային միջոցի, ինչպես նաև տրամվայի վարորդըպարտավոր է կառուցվածքով նախատեսված անվտանգության գոտիներով կահավորված տրանսպորտային միջոցներով երթևեկելիս լինել ամրակապված և չփոխադրել անվտանգության գոտիներով չամրակապված ուղևորների: Թույլատրվում է գոտիներով չամրակապել՝
- Մինչև 12 տարեկան երեխաներին (բացառությամբ օրենսդրությամբ սահմանված ամրակապելու համար պարտադիր դեպքերի),
- Տրանսպորտային միջոցը վարել սովորեցնողին, երբ այն վարում է սովորողը,
- Օպերատիվ ծառայությունների, թափքի գունագրաֆիկ երանգավորում ունեցող ավտոմոբիլների վարորդներին և ուղևորներին:
