Եգիպտոսի Գլխավոր դատախազը հայտարարել է, որ ոստիկանը դատական պատասխանատվության կենթարկվի հունվար ամսին Հոսնի Մուբարաքի ռեժիմի տապալման հողափոխության չորրորդ տարեդարձի կապակցությամբ կազմակերպված խախաղաղ ցույցի մասնակից, կին ակտիվիստ Շաիմաա ալ-Սաբբաղիի սպանության համար: Այս մասին տեղեկացնում է BBC-ն: Դեպքը մեծ արձագանք է առաջացրել` ստիպելով նախագահ Աբդել Ֆաթթահ էլ-Սիսիին հետաքննություն նշանակել:
Հունվարի 24-ին դիամակավորված ոստիկանը կրակ է բացել Սաբբաղի և նրա ընկերուհիների վրա, երբ նրանք ծաղկեպսակ էին դնում ի հիշատակ 2011 թ.-ի հեղափոխության: Ի սկզբանե իշխանությունները փորձում էին հերքել ոստիկանության մեղքը, սակայն հեռուստատեսային ուղերձի ժամանակ նախագահ Սիսին ամբողջական հետաքննություն խոստացավ: Դատախազ Հիշամ Բարաքաթը մեղադրանք է ներկայացրել ոստիկանին Սաբաղիի ոչ կանխամտածված սպանության և մյուս ցուցարարներին գիտակցաբար վնասելու համար: Ոստիկանի անունը դեռևս չի հրապարակվում, դատավարության օրը նույնպես դեռ չի որոշվել:
Պատրաստեց՝ Լիլիթ Խառատյանը
