Գյումրի քաղաքում հունվարի 15-ին տեղի ունեցած բողոքի ակցիաների գործով ձերբակալված Շիրակի մարզի Սառնաղբյուր գյուղի բնակիչ Մնացական Ալեքսանյանն ազատ կարձակվի: Այս մասին Իրավաբան.net-ին փոխանցեց ՀՀ Քննչական կոմիտեի նախագահի խորհրդական Սոնա Տռուզյանը:
Նա տեղեկացրեց. «Ընթացքի մեջ են անհրաժեշտ ձևակերպումները նրա նկատմամբ խափանման միջոցը փոխելու վերաբերյալ և նա ազատ կարձակվի»:
Հիշեցնենք` հունվարի 15-ին Գյումրիում ցույցերի ընթացքում բախումներ էին եղել ոստիկանական ուժերի հետ, հարուցվել էր քրեական գործ, որով ձերբակալվել է 1993 թվականին ծնված Շիրակի մարզի Սառնաղբյուր գյուղի բնակիչ Մնացական Ալեքսանյանը:
Երիտասարդի ձերբակալման փաստը բողոքի ալիք էր բարձրացրել հասարակական և քաղաքական շրջանակներում:
