Հունիսի 28-ին, ժամը 00.00-ին, Երևանի Մ. Հերացու փողոցում իրար են բախվել անհայտ ավտոմեքենա, «ԲՄՎ», «ՎԱԶ-21015», «ԲՄՎ 523 i», «Աուդի Ա6» և «Մերսեդես-Բենց ML 320» մակնիշի ավտոմեքենաներ:
Պատահարի հետևանքով «Մերսեդես-Բենց ML320»-ի ուղևորուհին մարմնական վնասվածքներով տեղափոխվել է հիվանդանոց:
Նույն օրը ոստիկանության ՃՏՀ քննության բաժին է ներկայացել 27-ամյա երիտասարդ և հայտնել, որ իր անձնական օգտագործման «ԲՄՎ 525» մակնիշի, հաշվառումից հանված ավտոմեքենայով նշված վայրում վթարի է ենթարկվել, որից հետո ավտոմեքենան թողնելով` հեռացել է:
Ոստիկանության փոխանցմամբ՝ կատարվում է քննություն:
