ՀՀ նախագահ Սերժ Սարգսյանը հրամանագիր է ստորագրել 2011 թվականի ապրիլի 23-ի հրամանագրում փոփոխություն կատարելու մասին:
«Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը՝ որոշում եմ. Հայաստանի Հանրապետության Նախագահի 2011 թվականի ապրիլի 23-ի «Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողով ստեղծելու մասին» ՆՀ-67-Ա հրամանագրի 1-ին կետով հաստատված՝ Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի կազմը շարադրել նոր խմբագրությամբ՝ համաձայն հավելվածի»,- ասվում է հրամանագրում:
