Թեմի առաջնորդից զատ, կալանավորվել է նաև դիվանապետը:
Հոկտեմբերի 15-ի վաղ առավոտից իրավապահները քննչական գործողություններ են իրականացրել Հայ առաքելական եկեղեցու Արագածոտնի թեմի առաջնորդարանում: Բերման են ենթարկվել Արագածոտնի թեմի մի շարք հոգևորականներ և քաղաքացիական աշխատակիցներ։
Քննչական կոմիտեն վարույթը նախաձեռնել էր «Իրազեկ քաղաքացիների միավորում» հասարակական կազմակերպության հաղորդման հիման վրա, որն առնչվում է Հանրային Հեռուստաընկերության եթերում Հովհաննավանքի հոգևոր հովիվ Տեր Արամ քահանա Ասատրյանի հայտարարությանը, ըստ որի՝ 2021թ անցկացված ընդդիմության ցույցերին մասնակցել է ոչ թե իր ցանկությամբ, այլ վերադասի հրահանգով: Համարելով, որ հանրահավաքին մասնակցելու պարտադրանքը Քրեական օրենսգրքով նախատեսված արարք է, «Իրազեկ քաղաքացիների միավորումը» խնդրել էր քննել այն:
