Արթուր Ց.-ին մեղադրանք է առաջադրվել կնոջ հետ վիճաբանելու և վերջինիս նկատմամբ ֆիզիկական ներգործություն ցուցաբերելու համար։ Պատճառը՝ կնոջ կողմից տղամարդու մոր նկատմամբ արհամարհական պահվածք դրսևորելն ու անհարգալից խոսելն է եղել։
Այս մասին Iravaban.net-ը տեղեկացավ «Դատալեքս» դատական տեղեկատվական համակարգից։
Նշվում է, որ տղամարդը նախ ձեռքով 2-3 անգամ հարվածներ է հասցրել նրա դեմքին, այնուհետև կատարել է բռնի այլ գործողություններ՝ քաշել է մազերից՝ Լիա Ս․-ին պատճառելով ֆիզիկական ցավ: Բացի այդ, սուրճ չպատրաստելու պատճառով, վիճաբանել է կնոջ հետ, քաշել է նրա մազերից և ձեռքից՝ այդ կերպ կնոջը պատճառելով ֆիզիկական ցավ և աջ նախաբազկի շրջանի արյունազեղման ձևով մարմնական վնասվածք:
Գործը դատարան է ստացվել հունիսի 19-ին և մակագրվել դատավոր Լուսինե Սեփխանյանին։
Խափանման միջոց է ընտրվել բացակայելու արգելքը։
Դատարանը վճռել է մեղադրյալի նկատմամբ վերջնական պատիժ նշանակել կարճաժամկետ ազատազրկում՝ 1 ամիս ժամկետով։
Պատիժը պայմանականորեն չկիրառել և սահմանել փորձաշրջան 1 տարի ժամկետով՝ նրա վարքագծի նկատմամբ վերահսկողությունը դնելով պատժի նկատմամբ վերահսկողություն իրականացնող համապատասխան մարմնի վրա։
Դատական ակտը հրապարակվել է հունիսի 26-ին։
