ՌԴ նախագահ Վլադիմիր Պուտինն այսօր Կրեմլում ընդունել է ԱՄՆ նախագահ Դոնալդ Թրամփի հատուկ բանագնաց Սթիվեն Ուիթկոֆին։ Սա երկու պաշտոնյաների չորրորդ հանդիպումն է այս տարվա փետրվարից ի վեր, գրում են լրատվամիջոցները։
ԶԼՄ-ների փոխանցմամբ՝ ՌԴ նախագահի օգնական Յուրի Ուշակովը հայտնել է, որ հանդիպումը կառուցողական և օգտակար էր։
«Զրույցը թույլ տվեց լրացուցիչ մոտեցնել դիրքորոշումները ոչ միայն Ուկրաինայի, այլև միջազգային այլ հարցերի շուրջ։ Երկխոսությունը շարունակվելու է տարբեր մակարդակներով։
Պուտինի և Ուիտկոֆի հանդիպմանը խոսվել է Ռուսաստանի և Ուկրաինայի միջև ուղիղ բանակցությունների վերսկսման հնարավորության մասին»,-նշել է նա։
Ռուսաստանյան լրատվամիջոցների համաձայն՝ բանակցություններից առաջ ամերիկացի պաշտոնյան ՌԴ ուղիղ ներդրումների հիմնադրամի ղեկավար Կիրիլ Դմիտրևի և նախագահ Պուտինի խորհրդական Յուրի Ուշակովի ուղեկցությամբ զբոսնել է Արբատով։
