«Մենք խստորեն դատապարտում ենք ապրիլի 23-ին Երևանում, այսպես կոչված, «ջահերով երթի» ժամանակ, ինչպես նաև ապրիլի 24-ին Փարիզի հայ համայնքի հանդիպման ժամանակ ադրբեջանական դրոշի այրումը»,-այս մասին հաղորդագրություն է տարածել Ադրբեջանի ԱԳՆ-ն։
«Հայաստանի և Ֆրանսիայի կառավարությունները պետք է անհապաղ դադարեցնեին ազգամիջյան ատելության դրսևորում հանդիսացող նման գործողությունները և ձեռնարկեին անվտանգության համապատասխան միջոցներ։
Հայաստանի և Ֆրանսիայի իշխանությունները պարտավոր են պատասխանատվության ենթարկել այդ գործողությունները կատարածներին։
Նման արարքները, որոնք ցույց են տալիս ռեւանշիստական մտածողության և ազգամիջյան ատելության բացահայտ դրսևորում ինչպես Հայաստանում, այնպես էլ նրա սահմաններից դուրս, պետք է դատապարտվեն միջազգային մակարդակով և կանխվեն»,-նշված է հաղորդագրության մեջ։
