ԱՄՆ Կալիֆոռնիա նահանգում անտառային հրդեհները շարունակում են զանգվածային ավերածությունների պատճառ դառնալ:
CNN-ի հաղորդմամբ՝ Լոս Անջելեսի շրջանի բժշկական փորձաքննության վարչությունը հայտնել է, որ հինգշաբթի երեկոյան ծանուցում է ստացել հրդեհի հետևանքով 10 մահվան դեպքի մասին:
Լոս Անջելեսի տասնյակ հազարավոր բնակիչների պարտադիր տարհանման հրաման է տրվել: Իրավիճակը սրում են ուժեղ քամիները, որոնք ժամանակավորապես դադարեցրել են ավիացիայի աշխատանքը:
Հրդեհները ճանաչվել են Լոս Անջելեսի շրջանի պատմության մեջ ամենակործանարար հրդեհներից մեկը:
