ՌԴ նախագահ Վլադիմիր Պուտինը Կրեմլում երեկոյան հանդիպում է ունեցել պաշտպանության նախարարության, ռազմարդյունաբերական համալիր հրթիռներ մշակողների ղեկավարության հետ․ հայտնում են ռուսական լրատվամիջոցները։
Նա իր ելույթում դրական է գնահատել «Օրեշնիկ» համակարգի արդյունավետությունը՝ նշելով, որ ՌԴ-ն կշարունակի նորագույն հրթիռների փորձարկումները, այդ թվում՝ մարտական պայմաններում՝ կախված իր անվտանգությանը սպառնացող վտանգներից։
«Նման զենք աշխարհում դեռ ոչ ոք չունի։ «Օրեշնիկը» գերճշգրիտ զենք է, այն զանգվածային ոչնչացման միջոց չէ, հակառակորդի թիրախների դեմ դրա կիրառման արդյունքներն ըստ էության համեմատելի կլինեն ռազմավարական զենքի հետ»,-ասել է Պուտինը։
Նրա խոսքով՝ ՌԴ-ն աշխատում է միջին և փոքր հեռահարության հրթիռների մի ամբողջ շարքի ստեղծման ուղղությամբ, և այժմ փորձարկվում են ևս մի քանի ռուսական INF համակարգեր։
Պուտինը չի բացառել, որ «Օրեշնիկի» նման համակարգեր կարող են հայտնվել այլ երկրներում, բայց դա կլինի վաղը կամ մեկ տարի հետո, կարևոր է, որ Ռուսաստանն այսօր ունի այն։
Ամբողջական ելույթը՝ այստեղ։
