Թուրքիայի նախագահ Ռեջեփ Թայիփ Էրդողանը Թուրքիայի օդատիեզերական արդյունաբերության բաժնետիրական ընկերության (TAI) կենտրոնակայանում մասնակցել է «T625 GÖKBEY» ուղղաթիռին նվիրված արարողությանը։
Էրդողանը Գյոքբեյի վրա ստորագրել է ինժեներ Զահիդե Էքիջի Գյուչլուի անունը, ով զոհվել է TUSAŞ-ի վրա ահաբեկչության ժամանակ։
Հիշեցնենք, որ Թուրքիայի օդատիեազերական արդյունաբերության ընկերության (TUSAŞ) վրա հոկետմբերի 23-ի զինված հարձակում էր տեղի ունեցել, որը թուրքական իշխանությունները որակել են որպես ահաբեկչական ակտ։
Ուղղաթիռը ի զորու է իրականացնել արդյունավետ փոխադրումներ, օդային շտապօգնություն, որոնողափրկարարական աշխատանքներ բարձր բարձրության վրա թե՛ ցերեկային և թե՛ գիշերային ժամերին նույնիսկ ամենադժվար կլիմայական պայմաններում։ Ռազմարդյունաբերության նախագահ Հալուք Գյորգյունը ևս ներկա է գտնվել վերոհիշյալ արարողությանը ու նշել է, որ ուղղաթիռը կարևոր ներդրում կունենա թուրք ազգի ու պետության անվտանգության գործում։
«Այս ուղղաթիռները, որոնք կմիանան մեր ժանդարմերիայի գլխավոր հրամանատարության գույքակազմին, հսկա քայլ են Թուրքիայի՝ ինքնաբավ պաշտպանական արդյունաբերություն ունենալու նպատակին հասնելու համար»։
Աղբյուրը՝ Ermenihaber.am:
