Վրաստանի խորհրդարանական ընտրությունների քվեների հաշվարկն ավարտվել է, հայտնում է երկրի Կենտրոնական ընտրական հանձնաժողովը։ 3111 ընտրատեղամասերից 3110-ի քվեաթերթիկների մշակման արդյունքների հիման վրա իշխող «Վրացական երազանք»-ը հավաքել է ձայների 53,92%-ը։
Ընդդիմադիր չորս կուսակցությունները ստացել են ընդհանուր ձայների 37,78 տոկոսը՝
«Փոփոխությունների կոալիցիա» – 11,04%
«Միացյալ ազգային շարժում» – 10,16%
«Ուժեղ Վրաստան» – 8,81%
«Գախարիան հանուն Վրաստանի» – 7,77%
Մեկ տեղամասում քվեարկության արդյունքները չեղարկվել են։ Խոսքը Մառնեուլիի թիվ 69 ընտրատեղամասի մասին է, որտեղ քվեաթերթիկների զանգվածային լցոնումներ են տեղի ունեցել։
Արտերկրում Վրաստանի խորհրդարանի ընտրություններում մեծամասնությունը քվեարկել է ընդդիմության օգտին։ Շեմը հաղթահարած և խորհրդարան անցած չորս ընդդիմադիր կուսակցությունները հավաքել են ձայների ընդհանուր 77,2 տոկոսը, իսկ իշխող «Վրացական երազանքը»՝ 13,32 տոկոս, հայտնում է Կենտրոնական ընտրական հանձնաժողովը։
Նշենք, որ Վրացական Հանուն փոփոխությունների» կոալիցիան հայտարարել է՝ հրաժարվում է պատգամավորական մանդատներից։
