Լոռու մարզպետ Արամ Ղազարյանը, Վարչապետի գլխավոր խորհրդական Համբարձում Մաթևոսյանը երեկոյան ևս շրջայց են իրականացրել ջրհեղեղից տուժած բնակավայրերով, հետևել իրականացվող աշխատանքների ընթացքին։

Այս մասին հայտնում են Լոռու մարզպետի աշխատակազմից։

Նաև հայտնում են, որ Մ-6 միջպետական ճանապարհի՝ Հաղպատի խաչմերուկ հատվածում նույնպես կատարվում են աշխատանքներ՝ ճանապարհի այդ տեղամասում անցանելիությունը և խիստ անհրաժեշտության դեպքում երթևեկությունը ապահովելու համար։