Պատգամավոր Գառնիկ Դանիելյանն այսօրվա հանրահավաքի ժամանակ նշեց․
«Կիրանց համայնք էին այցելել որոշակի մարդիկ, որոնք կիրանցիներին առաջարկել էին իրենց տան, այգիների, անշարժ գույքի և սրբավայրերի դիմաց կաշառք տալ, գումարով փորձել կիրանցիներին գնել, և ի պատիվ կիրանցիների՝ այդ մարդկանց ուղարկել են իրենց համապատասխան տեղը։
Մարդիկ կանգնել են մեկ մարդու նման, փոքրից մինչև մեծ փակել են Հայաստան-Վրաստան միջպետական մայրուղին և մինչև հիմա այնտեղ կանգնած են, բանակցություններ են ընթանում։ Քիչ հետք նաև մենք մի խումբ մարդկանցով, վստահ եմ նաև կամավոր մարդիկ էլ կլինեն, կգնանք և տեղում կաջակցենք մեր քույրերին և եղբայրներին։ Այս մարդկանց օրակարգը նորից էլի շարունակում է մնալ փողով, հայրենավաճառությամբ, իրենք, որ գումարով հայրենիք են վաճառում, մտածում են՝ որոշներն էլ այդ գումարով հայրենիքից կհրաժարվեն․ նման բան չկա, գոյություն չունի»։
Ցավով պիտի արձանագրենք՝ գիշերը դավադրաբար հանձնվել է Հայաստան-Վրաստան միջպետական ճանապարհը, կամուրջի հատվածն այս պահին, մեր տեղեկություններով, հանձնվում է թշնամուն, գյուղը կիսվելու է երկու մասի․ դրա հետ Տավուշի ժողովուրդը, հայ ժողովուրդը չի կարող հաշտ լինել և չի լինելու»։
