«Խնդրում եմ այս հարցը վերջին անգամ լինի։ Անընդհատ նույն բանը տարբեր եղանակներով հարցնում եք, դուք էլ եք նեղվում, ես էլ եմ նեղվում։ Մեր այս շարժումը բնականից ծնված և բնական ավարտ էլ ունեցող շարժում է»,- այսպես պատասխանեց Բագրատ Սրբազանը լրագրողի հարցին, թե վարչապետի հրաժարականի պահանջ ի վերջո հնչելո՞ւ է, քանի որ շարժման մասնակիցների շրջանում ձևավորված է նման պահանջ։
Սրբազանը հավելեց, որ վաղը կարող է ինքը ողջ չլինել և չի կարող ասել՝ նման պահանջ կհնչի՞, թե՞ ոչ․ «Թույլ տվեք հասնել վաղվան՝ այդ ժամին»։
Խոսելով խորհրդարանական և արտախորհրդարանական ուժերից՝ նա նշեց, որ բոլորը ներկա են․ «Վերստին ասեմ՝ այս շարժումը գույն չունեցող և բոլոր գույների շարժում է՝ ճերմակի։ Ճերմակը բոլոր գույների համադրությունն է»։
