Մոսկվայի Բասմանի դատարանը «Կրոկուսի» ահաբեկչության գործով Դալերջոն Բարոտովիչ Միրզոևին (լուսանկարում՝ ձախից) ու Ռաչաբալիզոդա Սաիդակրամի Մուրոդալին (լուսանկարում՝ աջից) 2 ամսով կալանավորելու որոշում է կայացրել։
Նրանց ցմահ ազատազրկում է սպառնում։
Դալերջոն Միրզոևը 32 տարեկան է, ծնունդով Տաջիկստանից է, ունի չորս անչափահաս երեխա: Նա Նովոսիբիրսկում երեք ամսով ժամանակավոր գրանցում է ունեցել, սակայն դրա ժամկետն լրացել է։ Համացանցում տարածված կադրերում մեղադրյալը գնդակահարելուց հետո դանակահարում էր տուժած մարդկանց։
Նշվում է, որ Միրզոևը ընդունել է իր մեղքը։ Վերջինս դատարանի որոշումը լսել է ապակու վրա հենված վիճակում։
Ռաչաբալիզոդա Մուրոդալին 30 տարեկան է, ամուսնացած է, ունի մեկ երեխա: Դատարանում հայտարարել է, որ Ռուսաստանում գրանցում ունի, բայց չի հիշում՝ որտեղ: Երկուսն էլ դատարանի հետ շփվել են թարգմանչի միջոցով։
Նա նույնպես ընդունել է իր մեղքը։
