Վլադիմիր Պուտինը ռեկորդային թվով ձայներով առաջատար է Ռուսաստանի նախագահական ընտրություններում` համաձայն Հասարակական կարծիքի ուսումնասիրման համառուսական կենտրոնի և «Հասարակական կարծիք» հիմնադրամի exit poll-ի տվյալների։
Հասարակական կարծիքի հարցման համառուսաստանյան կենտրոնի կողմից տրամադրված ընտրողների հարցումների համաձայն՝ ՌԴ Կոմունիստական կուսակցության թեկնածուն ստացել է ձայների 4,6%-ը։ Երրորդ տեղը զբաղեցրել է «Նոր մարդկանց» թեկնածու Վլադիսլավ Դավանկովը՝ 4,2 տոկոսով։ Վերջին տեղում Լեոնիդ Սլուցկին է՝ 3%-ով։
«Հասարակական կարծիք» հիմնադրամը նույնպես ցույց է տվել էքզիթ փոլի տվյալները։ Ըստ FOM-ի՝ Պուտինը հավաքել է 87,8%, Խարիտոնովը՝ 4,7%, Դավանկովը՝ 3,6%, Սլուցկին՝ 2,5%։
ՌԴ ԿԸՀ-ից հայտնում են, որ քվեաթերթիկների 24,4%-ը մշակելուց հետո Պուտինը հավաքել է ձայների 87,97%-ը։ ՌԴ նախագահական ընտրություններին մասնակցության ընդհանուր թիվը կազմել է 74,22%, ասել է ՌԴ ԿԸՀ փոխնախագահ Նիկոլայ Բուլաևը։
Պուտինի արդյունքը ռեկորդային է ժամանակակից Ռուսաստանի պատմության մեջ. 2018-ին նա ընտրություններում հավաքել է 76,69%, 2012-ին՝ 63,6%, Դմիտրի Մեդվեդևը 2008-ին՝ 70,28% արդյունքով։
