ՀՀ արդարադատության նախարար Գրիգոր Մինասյանի հրամանով՝ Նորայր Շողիկյանը նշանակվել է մամուլի քարտուղար: Այս պաշտոնում նա կփոխարինի ծննդաբերության ժամանակավոր արձակուրդում գտնվող Մարիամ Մելքումյանին:
Նորայր Շողիկյանը 2016-2022թթ. սովորել և ավարտել է ԵՊՀ ժուռնալիստիկայի ֆակուլտետի բակալավրի ու PR և հաղորդակցային տեխնոլոգիաների մագիստրոսական կրթական ծրագրերը:
Աշխատանքային գործունեություն
2018-2021թթ. աշխատել է «Արմենպրես» լրատվական գործակալությունում, որպես թղթակից:
2019-2020թթ. զբաղեցրել է «Ստանդարտների ազգային ինստիտուտ» ՓԲԸ տնօրենի ռեֆերենտի պաշտոնը՝ կատարելով մամուլի խոսնակի պարտականությունները:
2020-2021թթ. եղել է «Ստանդարտացման և չափագիտության ազգային մարմին» ՓԲԸ քարտուղարության մասնագետ՝ կատարելով մամուլի խոսնակի պարտականությունները:
2021-2024թթ. աշխատել է «Հանրային հեռուստաընկերություն» ՓԲԸ-ում, որպես լրատվական ծառայության տնտեսական և քաղաքական լրագրող:
Կրթություն
2005-2013թթ. սովորել է Երևանի Ջոն Կիրակոսյանի անվան 20 դպրոցում:
2013-2016թթ. սովորել է Երևանի Խ. Աբովյանի անվան ՀՊՄՀ հենակետային վարժարան/ավագ դպրոցի լրագրության բաժնում։
2016-2020թթ. ընդունվել և ավարտել է ԵՊՀ ժուռնալիստիկայի ֆակուլտետը։
2020-2022թթ. ընդունվել և ավարտել է ԵՊՀ Ժուռնալիստիկայի ֆակուլտետի PR և հաղորդակցային տեխնոլոգիաների մագիստրոսական կրթական ծրագիրը։
Այլ տեղեկություններ
2018թ. մարտ 12-21-ը Ղրղզստանի մայրաքաղաք Բիշքեքում մասնակցել է «Կլոպ Մեդիա» հիմնադրամի կազմակերպած «Նկարահանում և վիդեո մոնտաժ» վերապատրաստմանը:
2020թ. մարտ 2-13-ը մասնակցել է ՀՀ Արտաքին գործերի նախարարության դիվանագիտական դպրոցի արտաքին քաղաքականության վերաբերյալ լրագրողների վերապատրաստման դասընթացին:
Տիրապետում է հայերեն, անգլերեն և ռուսերեն լեզուներին:
Ամուսնացած է:
