Փետրվարի 6-ին, ժամը 11։48-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջամշլու-Գեղարոտ ավտոճանապարհին տեղի է ունեցել ՃՏՊ՝ կան տուժածներ։
Դեպքի վայր են մեկնել մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբը։
Պարզվել է, որ Ալագյազ-Գեղարոտ ավտոճանապարհի 6-րդ կմ-ին բախվել են «Toyota Camry» (վարորդ՝ Հ․ Ա․, ծնված 1969 թ․), «Nissan» (վարորդ՝ Ա․ Խ․) և «Ford Transit» (վարորդ՝ Զ․ Հ․) մակնիշների ավտոմեքենաները․ «Toyota Camry» մակնիշի ավտոմեքենայի վարորդը տեղում մահացել է։
Փրկարարները «Toyota Camry» մակնիշի ավտոմեքենայի ուղևոր Ա․ Ս․-ին (ծնված 2001 թ․) մոտեցրել են շտապօգնության մեքենային․ վերջինս հոսպիտալացվել է ԲԿ, որտեղ բժիշկները տուժածի առողջական վիճակը գնահատել են կայուն ծանր։
Փրկարարները հոսանքազրկել են ավտոմեքենաները, փակել «Toyota Camry» մակնիշի ավտոմեքենայի գազի բալոնի փականը, դին դուրս բերել և մոտեցրել շտապօգնության մեքենային։
Փրկարարները պարեկային ծառայության աշխատակիցների և քաղաքացիների հետ համատեղ վթարված ավտոմեքենաները դուրս են բերել ավտոճանապարհի երթևեկելի հատվածից։
![May be an image of 3 people, ambulance, road and arctic](https://scontent.fevn4-3.fna.fbcdn.net/v/t39.30808-6/426292780_350832737912835_6553357037449771858_n.jpg?_nc_cat=107&ccb=1-7&_nc_sid=3635dc&_nc_ohc=4AAjWp6vwJQAX8KF-D8&_nc_ht=scontent.fevn4-3.fna&oh=00_AfCvD8bvJ7QkooBroVNJrADqJ0cKv3hYHfpbevTVwOf0FQ&oe=65C6D1AD)
![May be an image of 3 people, van, road, arctic and text](https://scontent.fevn4-3.fna.fbcdn.net/v/t39.30808-6/426279792_350832674579508_5018955359619270296_n.jpg?_nc_cat=107&ccb=1-7&_nc_sid=3635dc&_nc_ohc=jUPopxdO6zwAX_mJd07&_nc_ht=scontent.fevn4-3.fna&oh=00_AfAKJrbPSgFON7yk9ZrYqkV-2QMYdB7nKDrPhgc6FYjcRA&oe=65C69586)
![May be an image of car and text](https://scontent.fevn4-3.fna.fbcdn.net/v/t39.30808-6/425901314_350832734579502_4765438152797498722_n.jpg?_nc_cat=105&ccb=1-7&_nc_sid=3635dc&_nc_ohc=v-VHyg4FQDQAX-m-e-t&_nc_oc=AQm1YueszdqlIqpddCi8pX9uBcc34kb7UFxDQggh5Y4cSdwiQ7xQWF_fV9oL3BMNFOI&_nc_ht=scontent.fevn4-3.fna&oh=00_AfCFnyyDtO8DI64fZ1f1WGgYZDscnpkGG606sHuD3wIniA&oe=65C640D4)