Ճանապարհային դեպարտամենտից հայտնում են, որ հունվարի 6-ին՝ ժամը 9։40-ի դրությամբ, Գորիսի, Գավառի, Սևանի, Աբովյանի, Թալինի, Արթիկի, Ախուրյանի, Ապարանի, Թումանյանի տարածաշրջաններում, Սարավանի և Վարդենյաց լեռնանցքներում, Տիգրանաշեն-Ջանգակատուն ճանապարհահատվածին, Սիսիանի «Զանգեր» կոչվող հատվածում տեղ-տեղ մերկասառույց է։

Սիսիանի «Զանգեր» կոչվող հատվածում մառախուղ է, տեսանելիությունը՝ 50 մետր։

Սիսիանի «Զանգեր» կոչվող հատվածում և Ապարանի տարածաշրջանում բուք է։

Բքի պատճառով Վարդենյաց լեռնանցքը դժվարանցանելի է կցորդով տրանսպորտային միջոցների համար։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:

Փրկարար ծառայությունից հայտնում են, որ Աշոցքի տարածաշրջանում բուք է:

Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար։
Վարորդներին խորհուրդ է տրվում երթևեկել բացառապես ձմեռային անվադողերով։