Առնվազն 51 մարդ է զոհվել Գազայի հատվածի կենտրոնում գտնվող Ալ-Մաղազի փախստականների ճամբարին իսրայելական հարձակման հետևանքով։ Այս մասին հայտնում է WAFA պաղեստինյան գործակալությունը, փոխանցում է ՏԱՍՍ-ը։
Նշվում է, որ Իսրայելի ռազմաօդային ուժերը նոյեմբերի 4-ի երեկոյան հարձակվել են փախստականների ճամբարի բնակելի շենքերից մեկի վրա։ Ինչպես նշում է գործակալությունը, զոհերի մեծ մասը կանայք և երեխաներ են։ Տեղեկություններ են ստացվել նաև տասնյակ զոհերի մասին, որոնցից շատերը դեռևս փլատակների տակ են։
Բացի Ալ-Մաղազի ճամբարից, հարվածներ են հասցվել պաղեստինյան անկլավի հյուսիսում և արևմուտքում գտնվող բնակելի թաղամասերին։ WAFA-ն պնդում է, որ մի շարք դեպքերում իսրայելական ինքնաթիռներն օգտագործել են միջազգային կոնվենցիաներով արգելված ֆոսֆորային զինամթերք։
