ԵՄ դիվանագիտության ղեկավար Ժոզեպ Բորելը դատապարտել է Իսրայելի հարձակումները օկուպացված Արևմտյան ափում պաղեստինցիների վրա՝ Գազայի հատվածում շարունակվող գործողության ֆոնին, հաղորդում է Եվրոպական արտաքին գործողությունների ծառայությունը Մերձավոր Արևելքի մի շարք երկրների նախարարների հետ բանակցություններից հետո:
«Քննարկվել է իրավիճակը Հորդանան գետի արևմտյան ափում։ Բորելը խոր մտահոգություն հայտնեց պաղեստինցիների վրա իսրայելցիների հարձակումների կապակցությամբ։ Նա խստորեն դատապարտեց դրանք», – ասվում է հայտարարության մեջ:
Պաղեստինյան կողմի տվյալներով՝ հոկտեմբերի 7-ից ի վեր ավելի քան 120 պաղեստինցի է սպանվել Հորդանան գետի արեւմտյան ափին իսրայելցի վերաբնակիչների եւ իսրայելական բանակի կողմից։
