Իսրայելցի զինվորականները Գազայի հատվածում գործողության ընթացքում սպանել են պաղեստինյան «ՀԱՄԱՍ» արմատական կազմակերպության հետ կապված մարտական ստորաբաժանումների հրամանատարներից մեկին։ Այս մասին հայտնում է բանակի մամուլի ծառայությունը։
Նշվում է, որ խոսքը Ջեբալիայի կենտրոնական գումարտակի հրամանատար Իբրահիմ Բիարիի մասին է, որ ոչնչացվել է Իսրայելի ռազմաօդային ուժերի ավիահարվածի արդյունքում։ Ինչպես ընդգծել են բանակի մամուլի ծառայությունից, Բիարին առաջատար դեր է խաղացել հոկտեմբերի 7-ին ՀԱՄԱՍ-ի կողմնակիցների՝ Իսրայելի վրա հարձակումը պլանավորելու գործում։
