Ֆրանսիան կանգնած է Հայաստանի և հայերի կողքին՝ X-ի իր միկրոբլոգում գրել է Ֆրանսիայի զինված ուժերի նախարար Սեբաստիեն Լըկորնյուն:
«Մեր մշտական և վճռական աջակցությունն անփոփոխ է»,- նշել է Լըկորնյուն՝ հրապարակելով տեսանյութ ՀՀ պաշտպանության նախարար Սուրեն Պապիկյանի հետ հանդիպումից:
🇫🇷🇦🇲 | La France se tient aux côtés de l’Arménie et des Arméniens.
Notre soutien constant et résolu ne faiblit pas. pic.twitter.com/bXRJeYrk9h
— Sébastien Lecornu (@SebLecornu) October 25, 2023
Հիշեցնենք, որ Ֆրանսիա կատարած աշխատանքային այցի շրջանակում ՀՀ պաշտպանության նախարար Սուրեն Պապիկյանն այցելել է Ֆրանսիայի զինված ուժերի նախարարություն, որտեղ տեղի է ունեցել դիմավորման հանդիսավոր արարողություն՝ զինվորական նվագախմբի և պատվո պահակախմբի մասնակցությամբ։
Այնուհետև մեկնարկել է Ֆրանսիայի զինված ուժերի նախարար Սեբաստիեն Լըկորնյուի հետ հանդիպումը:
Պաշտոնական հանդիպումից հետո տեղի է ունեցել մամուլի համար համատեղ հայտարարություն, որի ընթացքում ՀՀ պաշտպանության նախարարը շնորհակալություն է հայտնել ֆրանսիական կողմին՝ պաշտպանության բնագավառում համագործակցության զարգացմանը համակողմանիորեն ցուցաբերվող աջակցության համար:
