ԱՄՆ նախագահ Ջո Բայդենը խնդրել է Կոնգրեսին համաձայնեցնել 106 միլիարդ դոլարի նախագիծը՝ Ուկրաինային և Իսրայելին լրացուցիչ ռազմական և այլ օգնություն տրամադրելու համար, ասված է Սպիտակ տան մամուլի ծառայության տարածած հաղորդագրության մեջ։
Փաստաթղթում ասվում է, որ Բայդենի վարչակազմը «վճռական պատասխան» է տվել Ուկրաինայում ռուսական հատուկ ռազմական գործողությանը, «և այժմ օգնության է հասել իր դաշնակից Իսրայելին»։ Սպիտակ տունը կոչ է արել ամերիկացի օրենսդիրներին «առաջիկա շաբաթներին հասնել համապարփակ երկկողմ համաձայնության»՝ ԱՄՆ ազգային անվտանգության կարիքների համար միջոցներ հատկացնելու վերաբերյալ։
Ինչպես պարզաբանվում է Սպիտակ տան կողմից հրապարակված փաստաթղթերում, ԱՄՆ վարչակազմը Կոնգրեսին մասնավորապես խնդրում է ավելի քան 61,4 միլիարդ դոլար հատկացնել «Ուկրաինայում իրավիճակին և դրա հետ կապված ծախսերին արձագանքելու համար»: Մասնավորապես, մոտ 44,4 մլրդ դոլար է նախատեսվում ծախսել Կիեւին ռազմական օգնություն տրամադրելու եւ ամերիկյան զենքի պաշարները համալրելու համար։
Միևնույն ժամանակ Իսրայելին առաջարկվում է 14,3 միլիարդ դոլարի օգնություն տրամադրել։
