Ամերիկյան զենքերը, որոնք պաղեստինյան արմատական ՀԱՄԱՍ կազմակերպության զինյալները կարող են օգտագործել Իսրայելի վրա հարձակման ժամանակ, ամենայն հավանականությամբ, մատակարարվում են Ուկրաինայից և Աֆղանստանից: Նման կարծիք է հայտնել ԱՄՆ Կոնգրեսի Ներկայացուցիչների պալատի անդամ Մարջորի Թեյլոր-Գրինը X սոցիալական ցանցում (նախկինում՝ Twitter):
«Մենք պետք է աշխատենք Իսրայելի հետ՝ հետևելու ՀԱՄԱՍ-ի կողմից Իսրայելի դեմ օգտագործվող բոլոր ամերիկյան զենքերի սերիական համարներին: Արդյո՞ք այն եկել է Աֆղանստանից, թե՞ Ուկրաինայից: Շատ հավանական է, որ երկուսից էլ», – գրել է նա:
