Թուրքիայի կառավարության աղետների կանխարգելման և կառավարման տնօրինությունը (AFAD) հայտարարել է, որ նախապատրաստական աշխատանքներն ավարտվել են թուրք փրկարարների առաջին խմբին Մարոկկո ուղարկելու համար, որտեղ գիշերը տեղի է ունեցել ավերիչ երկրաշարժ։
Այս մասին գրում է Anadolu լրատվական գործակալությունը։
Հաղորդվում է, որ բացի այդ, 1000 վրան է պատրաստվել առաքման համար։
Երկրաշարժը, որը տեղի է ունեցել Մարոկկոյում սեպտեմբերի 9-ի գիշերը, երկրի պատմության մեջ ամենաուժգին երկրաշարժն էր վերջին հարյուրամյակի ընթացքում, հաղորդում է Մարոկկոյի ազգային երկրաֆիզիկական ինստիտուտը։
Ինչպես արդեն հայտնել ենք Մարոկկոյում տեղի ունեցած երկրաշարժի հետևանքով զոհերի թիվը հասել է 1037-ի։
