Առնվազն 25 մարդ է զոհվել, ավելի քան 80-ը՝ վիրավորվել Պակիստանի Սինդ նահանգում տեղի ունեցած երկաթուղային վթարի հետևանքով։ Այս մասին գրում է РИА Новости-ն։

Նշվում է, որ առնվազն 10 վագոն դուրս է եկել ռելսերից։ Ոստիկանությունը դեռ չի հայտնել վթարի պատճառը։

Վթարի հետեւանքով Սինդ նահանգում գնացքների տեղաշարժը դադարեցվել է։ Նշվում է, որ վերականգնման աշխատանքները կարող են տևել մինչև 18 ժամ: