ԱՄՆ նախկին նախագահ Դոնալդ Թրամփը պաշտոնապես ձերբակալվել է։ Այս մասին հայտնում է CNN-ը։
Ձերբակալությունը կտևի այնքան ժամանակ, քանի դեռ նրան մեղադրանք չի առաջադրվել։ Սպասվում է, որ կես ժամվա ընթացքում Թրամփը ազատ կլինի լքել դատարանը։
Թրամփի դեմ գործը ներառում է 2016 թվականի նախընտրական քարոզարշավի ժամանակ պոռնոաստղ Սթորմի Դենիելսին 130,000 դոլար վճարելը՝ 2006 թվականին ամուսնացած Թրամփի հետ ունեցած սիրավեպի մասին լռելու համար: Այս դեպքը պատմել է նախկին նախագահի նախկին փաստաբան Մայքլ Քոհենը։
Հետաքննության պատճառ է դարձել այն փաստը, որ Թրամփի ընկերությունը փաստաթղթերում այս վճարումը նշել է որպես իրավական վճարների համար միջոցներ։ Ըստ քննիչների՝ սա ֆինանսական փաստաթղթերի դիտավորյալ կեղծիք է։
