Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսով քննարկել են հացահատիկի գործարքը և Մոսկվայի և Անկարայի միջև հարաբերությունների զարգացումը, հայտնում է Կրեմլը։ Այս մասին գրում է РИА Новости-ն։
«Թուրք առաջնորդը դրական է գնահատել Ռուսաստանի համաձայնությունը՝ 60 օրով երկարաձգելու Ստամբուլի համաձայնագրերը՝ կապված Սևծովյան նավահանգիստներից ուկրաինական հացահատիկի արտահանման և ռուսական պարենի և պարարտանյութերի արտահանման արգելափակման հետ», – ասվում է մամուլի ծառայության հաղորդագրության մեջ։
Նախագահները քննարկել են տարբեր ոլորտներում երկրների միջև գործընկերության արդիական հարցեր։ Պուտինն ու Էրդողանը գոհունակություն են հայտնել առևտրատնտեսական կապերի աճի և համատեղ ռազմավարական էներգետիկ նախագծերի հաջող իրականացման կապակցությամբ՝ կարևորելով Թուրքիայում «Աքքույու» ատոմակայանի կառուցումը։
Բացի այդ, նախագահները քննարկել են Սիրիայում տիրող իրավիճակը։ Ղեկավարներն ընդգծել են Անկարայի և Դամասկոսի միջև հարաբերությունների կարգավորման շարունակման կարևորությունը։
Բացի այդ, Պուտինն ու Էրդողանը քննարկել են հանրապետությունում երկրաշարժից տուժած տարածքների վերականգնման հարցը։
Թուրքիայի ղեկավարը նաև նշել է Ուկրաինայում ռազմական գործողությունների դադարեցման կարևորությունը դիվանագիտական ճանապարհով։
