Ընդդիմությունը գերագնահատում է իր դերը քաղաքական դաշտում։ Այս մասին այսօր՝ փետրվարի 7-ին, լրագրողների հետ ճեպազրույցում ասաց Ազգային ժողովի նախագահ Ալեն Սիմոնյանը։

«Իրենց քաղաքական գործունեությունը հենված է զուտ սահմանին տեղի ունեցող հարձակումների և թշնամու կողմից արված քայլերի վրա դիվիդենտներ և օրակարգեր ձևավորելու վրա։ Կարող եմ իրենց հանգստացնել, եթե իրենց բոլորին էլ ձերբակալեն, որևիցե ձևով հիմնական օրակարգերից, հիմնական խնդիրներից Հայաստանի ժողովուրդը չի շեղվի»,-ասաց նա։